خريطة الشعر الموريتاني
المحرد تعرف لَمغليه
اعليَّ ومْرغَّبنِ فيه
خاطرْ ريْتُ سلمت اعليهْ
كَايمْ من بلْ المحردْ ردْ
منْزَلْ ذِاكْ الِّ مُولَع بيهْ
وَانَ كبْلُ كنت المحردْ
ما نبْغِيه أولَ ما نبْغيهْ
ألاَّ حدُّ عندِ محْردْ
محمد ول احمد يورة
قصائده
أعلاش انعود افموضع كاد
فيه اجيني زرك التفكاد
واعلاش انر دار العراد
يامس فوك السبخة واعلاش
اركبلي بير اللجواد
اليوم ابير أراش أراش
واعلاش امل ذو ليام
أيام الكتمة وارشراش
نشوش ساحل تندكعام
وآن ماني حجت تشواش
ادويرت تونكت افلكصار
ادوير تنكاس و تنزار
والدار ال كبلت عمار
فوك اتكيليلت علب ابجوك
ذيك الدار إفوت لعمار
والكلب من اغلاه مظنوك
وعالم ملان عنها دار
امن اديرات الدني ذوك
اكدم تنيدر من صلاح
اغفرشيت امال يراح
حد امن اعلاب الحاس راح
بعد انفراك ذكد
وانفراك منها ما صاح
اللوتد كون إواجه وتد
احد اعل زيرت لوتد لاح
عين شكند ارخ بعد
ازيرات السياح امن امراح
شكند إكد ينعد
احد اعل زيرات السياح
ذوك اكدم تنيدر عند